រថយន្តមួយគ្រឿង ត្រូវបានឆេះម៉ត់ទាំងស្រុង ខណៈកំពុងតែបើកបរលើផ្លូវល្បឿនលឿន ស្ថិតនៅចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សិលា

ខេត្តព្រះសីហនុ-ករណីអគ្គិភ័យឆេះរថយន្ត០១គ្រឿង ស្ថិតនៅចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សិលា/ខេត្តព្រះសីហនុ បានឆេះខូចខាតរួមមានឆេះរថយន្តចំនួន០១គ្រឿង ម៉ាក់(RANGE ROVER)ពណ៌ខ្មៅពាក់ស្លាកលេខតាកែវ2B-8888 ឆេះអស់ទាំងស្រុង។

ហេតុការណ៍នេះ បានកើតឡើងនៅវេលាម៉ោង ៣:៥៣នាទីទៀបភ្លឺ ត្រូវនឹង ថ្ងៃទី១៤ខែឧសភា ឆ្នាំ២០២៥ ស្ថិតនៅចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សិលា/ខេត្តព្រះសីហនុ។

អ្នកបើកបររថយន្តរងគ្រោះ ឈ្មោះ ជ័យ រស្មី ភេទប្រុស អាយុ៣៧ឆ្នាំ
ជនជាតិ ខ្មែរ អាសយដ្ឋានបច្ចុប្បន្ន រស់នៅភូមិ រវៀង ឃុំប្រាំបីមុំ ស្រុកទ្រាំង ខេត្តតាកែវ និងអ្នករួមដំណើរចំនួន០១នាក់ ភេទប្រុស ជនជាតិ ចិន។
មូលហេតុ: តាមការបញ្ជាក់ពីអ្នកបើកបររថយន្តខាងលើ ថារថយន្តបានលោតចេញសញ្ញាឆេក ហើយក៏ហុយផ្សែងនិងចេញអណ្តាតភ្លើងនៅផ្នែកខាងមុខរថយន្ត បង្កជាអគ្គិភ័យឆាបឆេះរថយន្តទាំងស្រុងតែម្តង មុនសមត្ថកិច្ចបានមកដល់។

ករណីអគ្គិភ័យខាងលើក្រុមសង្ក្រោះបានចេញរថយន្តពន្លត់អគ្គិភ័យរបស់ក្រុមហ៊ុនផ្លូវល្បឿនលឿនចំនួន០១គ្រឿងបានប្រើប្រាស់ទឹកអស់ចំនួន០១ឡានពន្លត់រលត់ទាំងស្រុង។

សូមបញ្ជាក់ថា រថយន្តដែលឆេះខាងលើមិនមានអ្នករងរបួសឬស្លាប់ឡើយ ចំណែករថយន្តត្រូវបានស្ទួចយកមករក្សាទុកនៅអធិការដ្ឋាននគរបាល ស្រុកកំពង់សិលា៕